الجمل اللى ديما بنسمعها فى البيت من الاب والام

على مراحل العمر المختلفه بيمر علي م

سامع الواحد جمل بتتقال في اغلب البيوت اذا مكنش كلها ..لحد الواحد محفاظها شوفوي معايا كدا

مش عايزة اسمع صوت

*ما تردش عليا

*لو مش فاهم حاجة ارفع ايدك واقول للأستاذ مش فاهم ... ما تتكسفش

*ومالها بس كتب الوزارة

*بص كويس وانت بتعدى الشارع

*البس شبشب ... ما تمشيش حافى

*قوم صلى ربنا يهديك

*اطفى التليفزيون واقوم ذاكر... التمثيلية مش حتنفعك بحاجة

*اقفل صدرك

*كل على مهلك وامضغ الأكل كويس

*كفاية رغى فى التليفون بأة

*ما تقفش فى تيارات الهوا وانت مستحمى

*ما تعليش صوتك عليا

*اللى يكذب ربنا يدخله النار

*يا بنى اللى ذاكر ذاكر وخلاص ... اقوم نام

*ادى دقنى اهه لو فلحت

*بلاش تلعب بالمقص ... بيجيب الفقر

*يا بنى كلم خالتك العيانة اسال عليها

*اوعى حد غريب فى الشارع يديلك حاجة وتاخدها

*لازم تاكل سلاطة خضرا

*عيب لازم تحترم اللى اكبر منك

*انت فاكرنى قاعد على تل فلوس ... اجيبلك منين

*انت ما بتشبعش طلبات

*قوم اقرالك كلمتين ينفعوك

*ما تتكلمش بصوت عالى فى الحمام

* والله ما انت فالح السنه دى

*ما تلزقش فى التليفزيون كدة ... نظرك حيضعف

*مش شايف ابن عمك فالح ازاى ... ياريت تبقى ربعه

*اللى بيعوز يذاكر بيذاكر انشا لله حتى على لمبة جاز

*ما تطلعش ايدك من شباك العربية

* كسر رقبتك على صدرك

*ربنا يرزقك بعيال يوروك اللى ورتهولى

*ما تطلعش ع الملاية النظيفة ورجلك وسخة

*حول القناة دى بلاش مسخرة وقلة ادب

*طلع ايدك من جيبك وانت بتكلمنى

*ما تحطيش ايدك فى جنبك وانتى بتكلمينى

*بتبرطم بتقول ايه

*انت فاكر انك كبرت خلاص ... مش حتكبر عليا

* ربنا يفتح فى وشك الأبواب المقفلة

ههههههههههههههههههههههههههه
اكيييد ليهم سبب انهم بيقولوا لينا كده
اكييييييد خايفيين علينا
المفروض مانزعلش من الكلام الى بيقولوه
لان هيجى يوم وهنحتاج للكلام ده ونقول ياريت كنا سمعنا كلامهم

شكراا يا جميييييل

» "صفوت حجازى" يطالب بإقالة يحيى الجمل و10 محافظين
» ديكورات مداخل البيت
» انا جييييييت نورت البيت
» صور موديلات فساتين البيت من مجلة سلسبيل
» FLASH BACK ادخلى قولى بصراحه اية الحاجه اللى لو رجع بيكى الزمن مش هتسيبها تروح منك